為乜？

兩個唔係好識o既人，各為其主。到最後係咪非你死或我亡不可？
如果我可以一死以謝天下，而天下又從此太平安定，咁當然我非死不可。
但係作為一個微不足道o既小角色，我死左大概無乜人會發現。亦當然無可能狂妄到以為自己o既死可以改變世界。

我死左，於你無好處。而你死左亦唔關我事。
為乜要日日勾心鬥角？係咪有人o既地方就一定要係咁？

點解要日日鬥個你死我活？
唔係講好左大家要 Join Up 架咩？唔係講好左大家要合作架咩？
咁做咩事要日日夜夜驚住會有人響我背後插刀呢？
同樣點解你又要日日驚住我會向你背後插刀呢？
可以放低把刀當然好，但係無奈地我地都響戰場中心。
放低把刀然後做乜？談判？
我地都只係卑微o既小卒。有咩可以傾？連為乜要打都冇人知，有咩好傾？

只為你好驚你聽日一轉背，我就會放箭射你。所以今日你一定要置我於死地。
但係你又知唔知，我根本唔識射箭？
而我又好驚我今晚訓著o既時候，你會插把刀響我心口。所以我訓之前一定要殺左你。
但係原來你手上根本無武器？果把刀係假o既用來拋我。

日日開拖，有冇人知道到底為乜？