頂多一陣

細個腳骨力唔好。行山果陣，舅父成日都話：「倦？倦就行快兩步啦。快 D 到咪有得抖。」
唔知係咪聽得多，而家都係咁同自己講：「倦？爽手 D 做埋 D 野，就有得抖。」

「頂多一陣，頂埋個 X project 就有得抖架啦……」
「捱多一陣，捱埋個 Y project 就可以放心放假 ……」
「衝埋呢段，搞撚埋 Z project 就可以有 work-life balance……」

響度做左就來五年。同樣o既野，我重覆同自己講左四年有多……
「頂撚住…… 爭 X 同 Y 就 OK…… 頂撚多 Z 個禮拜就有好日子過……」
X, Y 同 Z，隨時間而轉變。
不變o既，就係呢句句子。可以同自己講足四年。
生活，一 D 都冇撚改變過。

同你捱同你死同你刀仔鋸大脾，唔係問題。畢竟收人二分四。
但係在下都係個血肉之軀，在下實在係會死…… 死撚左就唔可以幫陛下安鳩你個天下，咁可唔可以俾在下抖一抖？